中年好聲音丨羅啟豪認已簽約無綫留港做歌手 濕疹導致性格內向靠比賽豁出去

《中年好聲音》決賽當日，羅啟豪以穩定的發揮得到季軍，雖然敗給李佳和周吉佩，仍然憑他實力唱功吸引到不少粉絲的支持。評判之一肥媽Maria Cordero稱決賽賽制因節目時間所限而更改，若果羅啟豪能夠以三甲進入決賽最後環節，相信有機會扭轉賽果。羅啟豪在IG留言：「入到決賽已經係一個成就，但係我點樣可以提高我入三甲有機會呢？決賽係要揀一首慢歌同一首快歌，最終我揀咗《忘情號》。呢首歌同我比賽以嚟唱過嘅歌嘅曲風唔一樣，係一個冒險嘅選擇，可能會成就我或者毀咗我，但我都係堅持呢個選擇——我想評委睇到我可以駕馭唔同曲風。好多謝張崇德老師介紹呢首歌畀我。」

同場加映：

法言人丨蔣祖曼硬朗外表掩蓋真性情 爭取時間陪仔女：相處似家姐

{{hket:ul-video id="8125"}}{{/hket:ul-video}}

中年好聲音丨英國豪由隱形人越戰越勇成大熱 羅啟豪遺傳歌唱家媽媽音樂基因【下一頁】

{{hket:inline-image name="1aab0c39-6387-4246-befa-1ea8269e345f.jpg"}}{{/hket:inline-image}}

羅啟豪為慶祝自己的「豪吧」粉絲專頁獲得1,000人加入，特別與好友陳早怡昨晚FB直播跟粉絲「豪殼」互動，解答大家對他的疑問。羅啟豪坦言有社交恐懼，雖然一直很想改變怕醜內向的性格，卻做不到，直至這次參加比賽，人生總算有一次大逆轉。羅啟豪被追問很多有關英國讀書的問題，他笑言：「細個冇得揀，爸爸媽媽覺得我太難搞，成日同二家姐打交，所以爸爸掉我去英國讀書，後來唔知點解二家姐又一齊報讀同一間學校。每次放假返香港度假後再返英國，我家姐上飛機都喊晒成盒紙巾！我都會喊但冇佢咁誇張，我哋家庭好親，所以會好唔捨得。」笑言外國生活最大的趣事是他曾經15小時內兩度撞車，先是自己開的車撞毀，隨後他租車再開車上班，結果再撞，實在太黑仔。

問到去到外國讀書，是否可以改變他內向的性格？他說：「之前好想改變，有嘗試去識一啲朋友，約出嚟食飯，但去到門口聽到好多人聲，我已經唔想入去。」他表示在華仁讀完中一就去英國升學，由於跳班讀中三令他追進度非吃力，加上患有嚴重濕疹，所以不太喜歡運動，又不諳群體生活，「流汗會刺激皮膚，所以我唔鍾意流汗，以前係被迫做運動先會做。」在英國讀書期間，羅啟豪突然轉陣去美國升學，他說：「我唔太鍾意英國，建築好舊，木板行路都有聲，嘢又難食，我同學話想轉去美國讀書，所以我就求我爸爸畀我去。」他表示讀書環境是外國，其講廣東話非常流利，全靠他沉迷1980至2000年的流行廣東歌和國語歌，對講中文都有一定的執著，陳早怡大讚他說話甚少中英夾雜，相當尊重語言。

中年好聲音丨龍婷謝票重返街頭賣唱地點喺... 鐵口情斷丁文俊：緋聞為收視啫【下一頁】

{{hket:inline-image name="ho3.jpg"}}{{/hket:inline-image}}

{{hket:inline-image name="ho2.jpg"}}{{/hket:inline-image}}

羅啟豪已經跟無綫簽約，成為旗下藝人，工作上要留待公司安排，問到是否做創作歌手？他笑言：「暫時唔會喇！讀書時試過作曲但唔成功，真係好難。我好欣賞同尊敬好多位作曲人︰包括倫永亮、杜自持、鮑比達同金培達，我入行目標係希望有機會同呢幾位大師合作。」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

撰文：娛樂組